قالت المطربة المصرية شيرين عبد الوهاب، الجمعة، إنها تشكر الظروف الراهنة بالرغم من قسوتها على خلفية أزمة كورونا المستجد، لافتة إلى أنها تشعر الآن بالمتعة في صلاتها أكثر من "أي سفرية أو أي سهرة".
وأضافت شيرين، في سلسلة من التغريدات على موقع "تويتر": "أنا بشكر الظروف اللي إحنا فيها بالرغم من قسوتها عشان نقعد في البيت، ونقرب من أهالينا ونشوف ولادنا. أنا ما بحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا".
وأشارت إلى أنها حينما كانت تصلي في السابق كانت تشعر أنها تقوم بأداء الفرض دون تركيز في الصلاة، وهو ما اختلف معها حاليا.
وأردفت المطربة المصرية: "زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفيني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي".
وقالت في آخر تغريدة ضمن سلسلتها: "أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من إللي إحنا فيه ويا رب ما نتغيرش ونفتكر اللي إحنا فيه دلوقتي".
